Asosiy qismga o'tish

Shu sahifaJava Pro

0to'g'ri javob
0takrorlash kerak
—aniqlik

Initsializatsiya tartibi

☕ Java 8+1Z0-8301Z0-8291Z0-819#static blok#instance blok#tartib

Qisqa javob: Tartibni yodlang — imtihonda deyarli har safar keladi:

  1. Ota klass birinchi (bu qoidalar unga ham rekursiv qo’llanadi).
  2. static field’lar va static { } bloklar — yozilish tartibida, klass yuklanganda bir marta.
  3. instance field’lar va { } bloklar — yozilish tartibida, har bir new da.
  4. Konstruktor tanasi — doim oxirida.

Restoran. Ertalab oshxona ochiladi: plita yoqiladi, masalliqlar keltiriladi — bir marta, kun boshida (static). Keyin har bir buyurtma kelganda: likopcha qo’yiladi, garnir solinadi (instance bloklar), oxirida oshpaz asosiy taomni qo’yadi (konstruktor). Ikkinchi buyurtmada plita qayta yoqilmaydi.

Oson — field, blok va konstruktor, O’rta — static va instance bloklar, ikki obyekt, Imtihon — ota va bola klass.

Animatsiya
Alohida sahifa
Qadam 1 / 5
joriy qatorhali hisoblanmagan qismhisoblangan qiymat

Instance bloklar va konstruktor

“Instance bloklar va konstruktor” bo'limi
Tuxum.java
public class Tuxum {
public Tuxum() {
number = 5; // 4-qadam
}
public static void main(String[] args) {
System.out.println(new Tuxum().number); // 5
}
private int number = 3; // 3-qadam
{ number = 4; } // 3-qadam (keyingi)
}

Kodda konstruktor eng tepada — lekin baribir oxirida ishlaydi: 3 → 4 → 5. Field va blok bir-biriga nisbatan qayerda yozilgani muhim, konstruktor qayerda yozilgani — yo’q.

Chick.java
public class Chick {
private String name = "Fluffy";
{ System.out.println("setting field"); }
public Chick() {
name = "Tiny";
System.out.println("setting constructor");
}
public static void main(String[] args) {
System.out.println(new Chick().name);
}
}
// setting field
// setting constructor
// Tiny
Puzzle.java
public class Puzzle {
static { System.out.print("A"); }
{ System.out.print("B"); }
Puzzle() { System.out.print("C"); }
static { System.out.print("D"); }
{ System.out.print("E"); }
public static void main(String[] args) {
System.out.print("F");
new Puzzle();
new Puzzle();
}
}
// ADFBECBEC
  • main chaqirilishidan oldin klass yuklanadi — static bloklar F dan oldin.
  • Ikkinchi obyektda static bloklar qaytmaydi: faqat BEC.
StaticTartib.java
static int n = 1;
static { n = n * 10; }
static { n++; }
// n = 11

this() bo’lsa — bloklar bir marta

“this() bo’lsa — bloklar bir marta” bo'limi
Order.java
public class Order {
static { System.out.print("1"); }
{ System.out.print("2"); }
Order() { System.out.print("3"); }
Order(int x) { this(); System.out.print("4"); }
public static void main(String[] a) { new Order(5); }
}
// 1234

Instance bloklar faqat super(...) (yashirin yoki ochiq) chaqiradigan konstruktorda ishlaydi. Order(int) avval this() ni chaqiradi — bloklar Order() ichida bir marta (2), keyin 3, keyin 4. Ikki marta emas.

Meros.java
class Ota {
static { System.out.print("1"); }
{ System.out.print("2"); }
Ota() { System.out.print("3"); }
}
class Bola extends Ota {
static { System.out.print("4"); }
{ System.out.print("5"); }
Bola() { System.out.print("6"); }
}
// new Bola(); → 142356
// yana new Bola(); → 2356
  1. Static: avval Ota (1), keyin Bola (4).
  2. Bola() ning birinchi yashirin buyrug’i — super(): Ota qismi to’liq — 2, 3.
  3. super() qaytgach — Bolaning bloklari (5), keyin tanasi (6).

Blok yoki initsializator o’zidan pastda e’lon qilingan field’ni oddiy nom bilan o’qiy olmaydi. Yozishga esa ruxsat:

Kod Natija
{ x = 5; } keyin int x = 3; ✅ yozish — ruxsat (natijada x = 3)
{ System.out.print(x); } keyin int x = 3; ❌ illegal forward reference
static int a = b + 1; static int b = 5; ❌ illegal forward reference
static int a = getB(); static int b = 5; (getB() → b) ✅ kompilyatsiya bo’ladi, a = 0

final instance field konstruktor tugaguncha aynan bir marta qiymat olishi kerak: e’londa, instance blokda yoki har bir konstruktorda.

Final.java
class Chek {
final String raqam;
final long summa;
{ summa = 0; } // blokda
Chek(String raqam) {
this.raqam = raqam; // konstruktorda
}
}
Kod Natija
final int a; va hech qayerda tayinlanmagan ❌ variable a might not have been initialized
Blokda a = 1; va konstruktorda a = 2; ❌ variable a might already have been assigned
X() { this(5); } va X(int v) { a = v; } ✅ this() orqali tayinlangan
static final int K; — static { K = 1; } da ✅ static final — e’londa yoki static blokda
Chuqurroq: klass aslida qachon yuklanadi?

JVM klassni birinchi faol foydalanishda initsializatsiya qiladi: new, static metod chaqiruvi, static field’ni o’qish yoki yozish, subklass initsializatsiyasi, main ishga tushishi. Faqat e’lon qilish (Ota o;) yetarli emas.

Qiziq istisno — kompilyatsiya vaqtidagi konstanta: static final int K = 9; ni o’qish klassni initsializatsiya qilmaydi, chunki kompilyator 9 ni chaqiruvchi kodga to’g’ridan-to’g’ri yozib qo’yadi. Shuning uchun Q.K ni o’qisangiz static blok ishlamaydi, Q.v (oddiy static) ni o’qiganingizda ishlaydi. Real loyihalarda bu “lazy holder” singleton uslubining asosi: ichki static klass faqat birinchi murojaatda yuklanadi.

📝 Mini-test

0 / 8

1. Kod nima chiqaradi?

public class Egg {
private int n = 3;
{ n = 4; }
public Egg() { n = 5; }
{ n = 6; }
public static void main(String[] a) {
System.out.println(new Egg().n);
}
}

2. Kod nima chiqaradi?

public class Puzzle {
static { System.out.print("A"); }
{ System.out.print("B"); }
public Puzzle() { System.out.print("C"); }
static { System.out.print("D"); }
public static void main(String[] args) {
System.out.print("F");
new Puzzle();
new Puzzle();
}
}

3. Kod nima chiqaradi?

public class Order {
static { System.out.print("1"); }
{ System.out.print("2"); }
Order() { System.out.print("3"); }
Order(int x) { this(); System.out.print("4"); }
public static void main(String[] a) { new Order(5); }
}

4. Kod nima chiqaradi?

class A { A() { System.out.print("A"); } }
class B extends A {
{ System.out.print("b"); }
B() { System.out.print("B"); }
}
// main: new B();

5. Natija qanday?

public class F {
{ x = 5; }
{ System.out.print(x); }
int x = 3;
public static void main(String[] a) { new F(); }
}

6. Kod nima chiqaradi?

public class S {
static int a = getB();
static int b = 5;
static int getB() { return b; }
public static void main(String[] q) {
System.out.print(a + " " + b);
}
}

7. Qaysi klass kompilyatsiya bo'ladi?

8. Kod nima chiqaradi?

class Ota {
static { System.out.print("1"); }
{ System.out.print("2"); }
Ota() { System.out.print("3"); }
}
class Bola extends Ota {
static { System.out.print("4"); }
{ System.out.print("5"); }
Bola() { System.out.print("6"); }
}
// main: new Bola(); new Bola();
  • Tartib: ota → static (bir marta, yozilish tartibida) → instance field/bloklar (yozilish tartibida) → konstruktor tanasi
  • Konstruktor kodda qayerda yozilganidan qat’i nazar oxirida ishlaydi
  • Static bloklar main ning birinchi qatoridan oldin ishlaydi
  • this(...) chaqiradigan konstruktorda instance bloklar ishlamaydi — ular zanjir oxiridagi konstruktorda bir marta
  • Meros: static ota → static bola → ota bloklari + konstruktori → bola bloklari + konstruktori
  • Pastdagi field’ni o’qish — illegal forward reference; yozish va metod orqali o’qish — ruxsat
  • final field — aynan bir marta: e’londa, blokda yoki har bir konstruktorda

1. Qog’ozda yeching. Nima chiqadi? Keyin tekshiring.

public class Test {
static int x = 1;
int y = x++;
static { x += 10; }
{ y += x; }
Test() { System.out.print(x + " " + y + " | "); }
public static void main(String[] a) {
new Test();
new Test();
}
}

2. Meros. Ota va Bola klasslariga static blok, instance blok va konstruktor qo’shing — har biri o’z nomini chiqarsin. new Bola() ni ikki marta chaqirib, natijani avval qog’ozda yozing.

3. final. Shartnoma klassi: final String raqam, final LocalDate sana. Ikki konstruktor: (raqam) — sana bugungi kun, va (raqam, sana). final qoidalarini buzmasdan yozing.

Keyingi dars: Access modifierlar va encapsulation.

Progress faqat shu brauzerda saqlanadi.